Canton, Ohio
Bodycam footage of Frank Tyson pic.twitter.com/RvpE4Meuib
— The Daily Sneed™ (@Tr00peRR) April 26, 2024
నవతెలంగాణ – వాషింగ్టన్‌ : 2020లో మినియాపోలిస్‌ నగరంలో పోలీసుల కర్కశత్వానికి ఆఫ్రో-అమెరికన్‌ జార్జ్‌ ఫ్లాయిడ్‌ మరణించిన విషయం తెలిసిందే. ఈ తరహా ఘటనే అమెరికాలో మరోసారి చోటు చేసుకుంది. దీనికి సంబంధించి ఒహైయో పోలీసుల బాడీకామ్‌ దశ్యాలు వెలుగులోకి రావడంతో తీవ్ర విమర్శలు వ్యక్తం అవుతున్నాయి. ఈ ఘటనపై స్థానిక మీడియా తెలిపిన వివరాల ప్రకారం.. మృతుడు పేరు ఫ్రాంక్‌ టైసన్‌ (53). అతడు కారు ప్రమాదం కేసులో అనుమానితుడు. ప్రమాదం అనంతరం ఒక బార్‌లోకి పారిపోయాడని గుర్తించిన పెట్రోలింగ్‌ అధికారులు టైసన్‌ను అదుపులోకి తీసుకొనే ప్రయత్నం చేశారు. వారు తనను చంపడానికి వస్తున్నారంటూ టైసన్‌ కేకలు వేయడం ఆ వీడియో వినిపిస్తుంది. ఆ తర్వాత పోలీసులు అతడిని కిందకు పడేసి, చేతికి బేడీలు వేశారు. ఒక అధికారి అతడి మెడపై మోకాలితో అదిమిపట్టాడు. ఈ క్రమంలో టైసన్‌ ”నేను ఊపిరి పీల్చుకోలేకపోతున్నాను” అని అతడు మొత్తుకుంటున్నా వినిపించుకోలేదు. కొద్దిసేపటికి టైసన్‌లో ఎలాంటి చలనం కనిపించపోవడంతో పోలీసులు అతడికున్న బేడీలు తీసి, సీపీఆర్‌ చేశారు. తర్వాత స్థానిక ఆసుపత్రికి తరలించారు. అనంతరం అతడు చికిత్స పొందుతూ ప్రాణాలు విడిచాడు. ఈ ఘటనపై పోలీసులు విచారణకు ఆదేశించారు.
Related posts:
తెలంగాణలో రేపటి నుంచి పద పరీక్షలు…
పీపుల్స్‌ ప్లాజాలో శారీ రన్‌.. పాల్గొన్న నారా బ్రాహ్మణి
ఢిల్లీ సీఎం కేజ్రీవాల్‌కు మరోసారి ఈడీ సమన్లు
రెస్టారెంట్‌లో దారుణ హత్య.. తలపై కాల్చి, ఆపై కత్తితో గొంతు కోసి దారుణం
కవిత అరెస్టుకు సంబంధించి పలువురిని విచారణకు పిలిచిన ఈడీ
ప్రణీత్‌రావును కస్టడీకి తీసుకున్న పోలీసులు