కోలీవుడ్ అగ్ర హీరో కార్తీ తాజాగా నటిస్తున్న పక్కా అడ్వెంచరస్ థ్రిల్లర్ ‘జపాన్’. ‘జోకర్’ ఫేమ్ రాజు మురుగన్ దర్శకత్వంలో డ్రీమ్ వారియర్ పిక్చర్స్ పతాకంపై ఎస్ఆర్ ప్రకాష్బాబు, ఎస్ఆర్ ప్రభు సంయుక్తంగా నిర్మిస్తున్నారు. ఇది కార్తీ నటిస్తున్న 25వ చిత్రం కావడం విశేషం.కార్తీకి పుట్టినరోజు శుభాకాంక్షలు తెలియజేస్తూ ఈ సినిమాలోని ఆయన పాత్ర ఇంట్రో గ్లింప్స్ని మేకర్స్ విడుదల చేశారు. ‘జపాన్’గా పరిచయమైన కార్తీ ఇందులో ఓ పెక్యులర్ పాత్రలో నటిస్తున్నారు. ఆయన గురించి వేర్వేరు వ్యక్తులకు విభిన్న అభిప్రాయాలను ఉంటాయి. ముగ్గురు డిఫరెంట్ వ్యక్తులకు ఆయన హీరో, కమెడియన్, విలన్. ఈ గ్లింప్స్లో కార్తీ గిరజాల జుట్టుతో డిఫరెంట్ లుక్లో హిలేరియస్గా కనిపించారు. మేకర్స్ అనౌన్స్ చేసినట్లుగా దీపావళి కానుకగా ఈ సినిమా విడుదల కానుంది. కార్తీ సరసన తొలిసారి అను ఇమ్మాన్యుయేల్ నటిస్తోంది. సునీల్ కీలక పాత్రలో కనిపించనున్న ఈ చిత్రంలో ప్రముఖ సినిమాటోగ్రాఫర్ విజరు మిల్టన్ కూడా ఫస్ట్ టైమ్ నటిస్తున్నారు. రాజుమురుగన్ – కార్తీ – డ్రీమ్ వారియర్ పిక్చర్స్ త్రయం ఇప్పటికే అంచనాలను పెంచడంతో ప్రేక్షకులలో తగినంత బజ్ క్రియేట్ చేసింది. గ్లింప్స్ కూడా అందరిలోనూ క్యురియాసిటీని పెంచింది.
