ప్రభాస్‌, ప్రశాంత్‌ నీల్‌ కాంబినేషన్‌లో హౌంబలే ఫిలింస్‌ బ్యానర్‌పై రూపొందుతోన్న పాన్‌ ఇండియా మూవీ ‘సలార్‌ పార్ట్‌ 1: సీస్‌ ఫైర్‌’. ఈ సినిమా గురించి ప్రకటన వెలువడిన రోజు నుంచి ప్రభాస్‌ ఫ్యాన్స్‌, ప్రేక్షకులు ఎంతో ఎగ్జైట్‌మెంట్‌తో వెయిట్‌ చేస్తున్నారు.
ఈ సినిమా టీజర్‌ను గురువారం ఉదయం 5 గంటల 12 నిమిషాలకు విడుదల చేస్తామని ప్రకటించి,
ఈ ఎగ్జైట్‌మెంట్‌ని మేకర్స్‌ మరింతగా పెంచారు. అందరూ ఊహించినట్లే దర్శకుడు ప్రశాంత్‌ నీల్‌ తన యూనివర్స్‌ నుంచి థ్రిల్లింగ్‌ యాక్షన్‌ టీజర్‌ను రిలీజ్‌ చేశారు. పవర్‌ఫుల్‌ డైలాగ్స్‌తో ఉన్న టీజర్‌ను చూస్తుంటే ఈ భారీ బడ్జెట్‌ సినిమా పాన్‌ ఇండియా రేంజ్‌లో బాక్సాఫీస్‌ రికార్డులను తిరగ రాయడం ఖాయమని చిత్ర బృందం నమ్మకాన్ని వ్యక్తం చేసింది. డైరెక్టర్‌ ప్రశాంత్‌ నీల్‌ సష్టించిన ప్రత్యేకమైౖన ప్రపంచం ‘సలార్‌’. ఈ బిగ్గెస్ట్‌ బ్లాక్‌ బస్టర్‌ సినిమాను రూపొందించిన నీల్‌ దానికి కొనసాగింపుగా ఎన్నో సీక్వెల్స్‌ను రూపొందించుకునేలా ప్లాన్‌ చేసుకున్నారు. భారీ బడ్జెట్‌, భారీ తారాగణంతో రూపొందిన ‘సలార్‌’ ప్రేక్షకులకు కళ్లు చెదిరే టీజర్‌ను అందించింది. ఇది సలార్‌ యూనివర్స్‌లోని పార్ట్‌ 1కు సంబంధించిన టీజర్‌ మాత్రమే. ఇక థియేట్రికల్‌ ట్రైలర్‌లో ఇంకెన్ని ఆసక్తికరమైన విషయాలుంటాయనేది అందరిలోనూ క్యూరియాసిటీని ఇది క్రియేట్‌ చేసింది. ప్రభాస్‌తో పాటు పథ్వీరాజ్‌ సుకుమారన్‌, శ్రుతీహాసన్‌, జగపతిబాబు వంటి భారీ తారాగణంతో ప్రశాంత్‌ నీల్‌ అన్‌ కాంప్రమైజ్డ్‌గా రూపొందిస్తున్నారు. సెప్టెంబర్‌ 28న తెలుగు, కన్నడ, హిందీ, మలయాళ, తమిళ భాషల్లో ఈ సినిమా ప్రపంచవ్యాప్తంగా భారీ రేంజ్‌లో విడుదల కానుంది.
