చిరంజీవి, మెహర్‌ రమేష్‌ కాంబినేషన్‌లో రూపొందుతున్న మాస్‌ యాక్షన్‌ ఎంటర్‌టైనర్‌ ‘భోళా శంకర్‌’, ఇటివలే ఈ చిత్రం షూటింగ్‌ పూర్తి చేసుకుంది. ప్రస్తుతం పోస్ట్‌ ప్రొడక్షన్‌ పనులు శరవేగంగా జరుగుతున్నాయి. తాజాగా చిరంజీవి తన డబ్బింగ్‌ పూర్తి చేశారు. ఈ సందర్భంగా డబ్బింగ్‌ స్టూడియోలో దిగిన కొన్ని ఫోటోలను చిరు తన అభిమానులతో షేర్‌ చేసుకున్నారు.’సినిమా రూపుదిద్దుకున్న తీరు చాలా ఆనందంగా ఉంది. ఈ ఫైర్‌ మాస్‌ ఎంటర్‌టైనర్‌ ఖచ్చితంగా ప్రేక్షకులందరినీ ఆకట్టు కుంటుంది. మీ క్యాలెండర్‌లను మార్క్‌ చేసుకోండి. థియేటర్స్‌లో కలుద్దాం. భోళాశంకర్‌ ఆగస్టు 11′ అని ట్వీట్‌ కూడా చేశారు మెగాస్టార్‌. ఇటివలే విడుదలైన ఈ చిత్రం టీజర్‌కి ట్రెమండస్‌ రెస్పాన్స్‌ వచ్చింది. సినిమాలోని ఫస్ట్‌ సింగిల్‌ చార్ట్‌బస్టర్‌గా నిలిచింది. మిగిలిన పాటలు ఒకదాని తర్వాత ఒకటి విడుదలౌతాయి. మహతి స్వర సాగర్‌ ఈ చిత్రానికి సంగీతం అందిస్తున్నారు. ఈ చిత్రాన్ని రామబ్రహ్మం సుంకర అత్యంత ప్రతిష్టాత్మకంగా రూపొందిస్తున్నారు. అనిల్‌ సుంకర ఏకే ఎంటర్‌టైన్‌మెంట్స్‌ సంస్థ ఈ చిత్రాన్ని నిర్మిస్తోంది. ఆగస్టు 11న ప్రపంచవ్యాప్తంగా గ్రాండ్‌గా విడుదల కానున్న ఈ చిత్రంలో తమన్నా, కీర్తి సురేష్‌, సుశాంత్‌, రఘు బాబు, మురళీ శర్మ, రవిశంకర్‌, వెన్నెల కిషోర్‌, తులసి, సురేఖా వాణి, శ్రీ ముఖి, హైపర్‌ ఆది, వైవా హర్ష, ప్రదీప్‌, అనీ, బిత్తిరి సత్తి, సత్య, గెటప్‌ శ్రీను, వేణు టిల్లు, తాగుబోతు రమేష్‌, రష్మీ గౌతమ్‌, ఉత్తేజ్‌, వీర్‌, షావర్‌ అలీ, తరుణ్‌ అరోరా తదితరులు ఇతర ముఖ్య పాత్రలు పోషించారు.
ఈ చిత్రానికి డీవోపీ: డడ్లీ, ఎడిటర్‌: మార్తాండ్‌ కె వెంకటేష్‌, ప్రొడక్షన్‌ డిజైనర్‌: ఏఎస్‌ ప్రకాష్‌, కథా పర్యవేక్షణ: సత్యానంద్‌, డైలాగ్స్‌: తిరుపతి మామిడాల, ఫైట్‌ మాస్టర్స్‌: రామ్‌-లక్ష్మణ్‌, దిలీప్‌ సుబ్బరాయన్‌, కాచే కంపాక్డీ.
