నవతెలంగాణ – హైదరాబాద్: జింబాబ్వే మాజీ క్రికెటర్ గయ్ విటల్ కు ఆయుష్షు గట్టిగా ఉందనే చెప్పుకోవాలి. తనపై చిరుత దాడి చేసినా, మృత్యువు నుంచి తృటిలో తప్పించుకున్నాడు. హరారే సమీపంలోని బఫెలో రేంజ్ లో విటల్ పై చిరుత దాడి చేసింది. ఆ దాడి నుంచి విటల్ తప్పించుకున్నాడు. ఈ విషయాన్ని ఆయన భార్య హన్నా సోషల్ మీడియా ద్వారా వెల్లడించింది. గాయాలతో ఉన్న విటల్ ఫొటోను షేర్ చేసింది. చిరుత దాడి చేసిన వెంటనే ఆయనను బఫెలో రేంజ్ నుంచి ఎయిర్ లిఫ్ట్ చేసి, హరారేలోని మిల్టన్ పార్క్ హాస్పిటల్ కు తరలించారని తెలిపింది. చిరుత దాడిలో చాలా రక్తం పోయిందని, ఆయనకు సర్జరీ చేశారని హన్నా చెప్పింది. గయ్ విటల్ జింబాబ్వేలో సఫారీ నిర్వహిస్తున్నాడు. హ్యూమని ప్రాంతంలో ఈరోజు ట్రెక్కింగ్ కు వెళ్లాడు. తనతో పాటు తన పెంపుడు శునకాన్ని కూడా తీసుకెళ్లాడు. ట్రెక్కింగ్ చేస్తున్న సమయంలో అతనిపై ఓ చిరుత దాడి చేసింది. వెంటనే అప్రమత్తమైన పెంపుడు శునకం తన యజమానికి కాపాడేందుకు తీవ్రంగా శ్రమించింది. ఈ క్రమంలో అది కూడా తీవ్రంగా గాయపడింది. రక్తమోడుతున్నా లెక్కచేయక… విటల్ ను రక్షించింది. గాయపడ్డ ఇద్దరినీ ఎయిర్ అంబులెన్స్ లో తరలించారు. విటల్ పెంపుడు శునకం కూడా కోలుకుంటోంది.
Related posts:
పీపుల్స్‌ ప్లాజాలో శారీ రన్‌.. పాల్గొన్న నారా బ్రాహ్మణి
ఢిల్లీ సీఎం కేజ్రీవాల్‌కు మరోసారి ఈడీ సమన్లు
రెస్టారెంట్‌లో దారుణ హత్య.. తలపై కాల్చి, ఆపై కత్తితో గొంతు కోసి దారుణం
కవిత అరెస్టుకు సంబంధించి పలువురిని విచారణకు పిలిచిన ఈడీ
ప్రణీత్‌రావును కస్టడీకి తీసుకున్న పోలీసులు
నేడు ముంబైకి సీఎం రేవంత్ రెడ్డి