నవతెలంగాణ – చేర్యాల: పోగొట్టుకున్న మొబైల్ ఫోన్ ను సీఈఐఆర్ టెక్నాలజీతో స్వాధీనం చేసుకుని బాధితునికి సీఐ పి.సత్యనారాయణ రెడ్డి,సిబ్బంది ఆదివారం అప్పగించారు.సీఐ సత్యనారాయణ రెడ్డి తెలిపిన వివరాల ప్రకారం సిద్దిపేట జిల్లా చేర్యాల పట్టణ కేంద్రానికి చెందిన బసవరాజు వెంకటేష్ అనే వ్యక్తి తన విఐవిఓ మొబైల్ ఫోను ను ఈ నెల14 న పోగొట్టుకున్నారు.ఈ సందర్భంగా ప్రభుత్వం నూతనంగా తీసుకువచ్చిన www.ceir.gov.in అనే వెబ్సైట్లో ఫోన్ యొక్క ఐఎంఈఐ నెంబర్ ను ఎంటర్ చేసి బ్లాక్ చేశాడు. వెంటనే ఫోన్ దొరికిన వ్యక్తి ఫోన్ లో సిమ్ కార్డు వేసుకోవడంతో ఈ వెబ్సైట్ ద్వారా అతని వివరాలతో కూడిన సమాచారం చేర్యాల పోలీసులకు చేరింది. సమాచారం అందుకున్న పోలీసులు ఫోన్ దొరికిన వ్యక్తి నుంచి ఫోన్ ను స్వాధీనం చేసుకుని పోగొట్టుకున్న వ్యక్తికి చేర్యాల పోలీస్ సర్కిల్ కార్యాలయంలో అందజేశారు.ఈ సందర్భంగా సీఐ మాట్లాడుతూ.. ఎవరైతే ఫోన్ పోగొట్టుకున్న వారు వెంటనే ప్రభుత్వం నూతనంగా తీసుకువచ్చిన సెంట్రల్ ఎక్విప్మెంట్ ఐడెంటిటీ రిజిస్టర్ పోర్టల్ ద్వారా పోగొట్టుకున్న ఫోన్ ను నేరుగా బ్లాక్ చేయవచ్చని, తద్వారా పోగొట్టుకున్న ఫోన్ ను తిరిగి తొందరగా పొందుతారని తెలిపారు.
Related posts:
ఆర్డిఓ కార్యాలయం ఎదుట పెన్షనర్ల ధర్నా
ఔట్ సోర్సింగ్ రంగ కార్మికులకు కనీస వేతనం ఇవ్వాలి
యూనివర్సిటీ విద్యార్థినిపై ర్యాగింగ్ చేసిన వారిపై చర్యలు తీసుకోవాలి..
త్వరలో నిజామాబాద్ నగరానికి మంత్రి వర్యులు కేటీఆర్
ఊర పండుగ ఏర్పాట్లను పరిశీలించిన ఎమ్మెల్యే
రైతులకు ఎమ్మెస్పీ మద్దతు గ్యారెంటీ చట్టాన్ని తీసుకురావాలి