– ఐపీసీ స్థానే భారతీయ న్యాయసంహిత ఇంగ్లీష్‌ తీసేసి హిందీ పేర్లు
– రాజద్రోహ చట్టం రద్దు పేరుకే
– మరిన్ని కోరలతో కొత్త చట్టం
– వర్షాకాల సమావేశాల చివరి రోజు ప్రవేశపెట్టిన అమిత్‌షా
– పార్లమెంట్‌ స్టాండింగ్‌ కమిటీకి సిఫారసు
ఇండియన్‌ పీనల్‌ కోడ్‌ (ఐపీసీ), క్రిమినల్‌ ప్రొసీజర్‌ కోడ్‌ (సీపీసీ), ఇండియన్‌ ఎవిడెన్స్‌ యాక్ట్‌ (ఐఈఏ)లను సవరించేందుకు కేంద్రం ముందుకొచ్చింది. ఐపీసీ స్థానంలో ‘భారతీయ న్యాయ సంహిత’ (బీఎన్‌ఎస్‌), సీపీసీి స్థానంలో ‘భారతీయ నాగరిక్‌ సురక్షా సంహిత’ (బీఎన్‌ఎస్‌ఎస్‌), ఐఈఏ స్థానంలో ‘భారతీయ సాక్ష్య’ (బీఎస్‌) చట్టాలుగా పేర్లు మార్చింది. దీనికి సంబంధించిన బిల్లులను కేంద్ర హోం మంత్రి అమిత్‌ షా శుక్రవారం సభలో ప్రవేశపెట్టారు. అనంతరం వీటిని పార్లమెంట్‌ స్టాండింగ్‌ కమిటీకి పంపారు.
ప్రతిపక్షాలు సభలో లేని టైంలో కీలక బిల్లులు
న్యూఢిల్లీ : మోడీ ప్రభుత్వం మూడు వివాదాస్పద కొత్త క్రిమినల్‌ బిల్లులను శుక్రవారం పార్లమెంటులో ప్రవేశపెట్టింది. నేర న్యాయ వ్యవస్థను సంస్కరించే క్రమంలో మూడు కొత్త బిల్లులను లోక్‌సభలో ప్రవేశపెట్టిన మోడీ ప్రభుత్వం దేశద్రోహ చట్టాన్ని రద్దు చేయాలని నిర్ణయించిందని కేంద్ర హౌంమంత్రి అమిత్‌ షా శుక్రవారం (ఆగస్టు 11) పార్లమెంటులో ప్రకటించారు. వాస్తవానికి పేరులో రాజద్రోహం అన్న పదాన్ని తొలగించారే తప్ప అందులోని నిబంధనలకు మరిన్ని కోరలు తొడిగి మరింత క్రూరంగా మార్చారు.
ప్రతిపక్షాలు సభలో లేని సమయంలో ఈ కీలకమైన బిల్లులను ప్రభుత్వం ప్రవేశపెట్టింది. ఈ బిల్లులలో పూర్తిగా ఇంగ్లీష్‌ను నిర్మూలించారు. కేవలం హిందీ పేర్లతోనే బిల్లులను తీసుకొచ్చారు.
మూడు కొత్త బిల్లుల్లో భారతీయ శిక్షాస్మతి-1860 స్థానే భారతీయ న్యాయ సంహిత బిల్లు-2023, క్రిమినల్‌ ప్రొసీజర్‌ కోడ్‌1898 స్థానే భారతీయ నాగరిక్‌ సురక్ష సంహిత బిల్లు- 2023, ఇండియన్‌ ఎవిడెన్స్‌ యాక్ట్‌- 1872 స్థానే భారతీయ సాక్ష్యాధారాల బిల్లు – 2023ను తీసుకొచ్చారు. ”ఈ బ్రిటీష్‌ చట్టాలు బ్రిటిష్‌ ప్రభుత్వాన్ని బలోపేతం చేయడానికి మరియు రక్షించడానికి రూపొందించబడ్డాయి. వాటి లక్ష్యం శిక్షించడమే తప్ప న్యాయం చేయడం కాదు. మేము తీసుకువస్తున్న మూడు కొత్త చట్టాల స్ఫూర్తి శిక్షించడమే కాకుండా ప్రతి పౌరుడికి న్యాయం చేయడంతోపాటు మరిన్ని నేరాలు జరగకుండా ఉండేందుకు ఉద్దేశించినది” అని కేంద్ర హౌం మంత్రి సెలవిచ్చారు.
మూడు కొత్త బిల్లులను క్లుప్తంగా ప్రవేశపెట్టిన అమిత్‌షా, వాటిని పార్లమెంటరీ స్టాండింగ్‌ కమిటీకి పంపుతామని, ఆ తర్వాత పార్లమెంటుకు అందజేస్తామని చెప్పారు. ప్రతిపాదిత చట్టంలో మూక దాడులు, పెళ్లి చేసుకోవడం లేదా మోసం చేయడ ద్వారా స్త్రీతో లైంగిక సంబంధాలు కలిగి ఉండటం వంటి వాటిని నేరంగా పరిగణిస్తూ ముఖ్యమైన మార్పులను తీసుకొచ్చింది. ఇది లైంగిక నేరాల బాధితుల వాంగ్మూలాలను తప్పనిసరిగా వీడియో రికార్డింగ్‌ చేయడానికి, ఛార్జిషీట్‌లను దాఖలు చేయడానికి, విచారణలను పూర్తి చేయడానికి కాల పరిమితులను విధించడం, అలాగే పరారీలో ఉన్న నేరస్థుల కోసం విచారణ నిర్వహించడం వంటి వాటిని కూడా అందిస్తుంది.
దేశద్రోహ స్థానంలో ‘కఠినమైన’ నిబంధనలు
దేశద్రోహ నిబంధనను ఉపసంహరించుకుంటున్నామని ప్రకటించిన అమిత్‌ షా దీనికి సంబంధించి తనదైన శైలిలో భాష్యం చెప్పారు. ”బ్రిటిషర్లు తమ పాలనను కాపాడుకోవడానికి దేశద్రోహం (చట్టం) తీసుకొచ్చారు. దేశద్రోహాన్ని పూర్తిగా రద్దు చేసేందుకు మేం చారిత్రాత్మక నిర్ణయం తీసుకున్నాం. ఇది ప్రజాస్వామ్యం, ప్రతి ఒక్కరికీ మాట్లాడే హక్కు ఉంది’ అని ఆయన అన్నారు.
ఏది ఏమైనప్పటికీ, భారతీయ న్యాయ సంహిత, 2023లోని సెక్షన్‌ 150ని పరిశీలిస్తే, రాజద్రోహం అనే పదాన్ని తొలగించినప్పటికీ, చట్టం అలాగే ఉంది. మరింత క్రూరంగా మార్చబడింది. జైలు శిక్ష, జరిమానా కూడా విధించబడుతుంది
బ్రిటిష్‌ కాలం నాటి రాజ ద్రోహ చట్టం (124 సెక్షన్‌ కింద) ఇలా పేర్కొంది: ”మాటల ద్వారా, మాట్లాడిన లేదా వ్రాసిన, లేదా సంకేతాల ద్వారా, లేదా కనిపించే ప్రాతినిధ్యం ద్వారా, లేదా ద్వేషం లేదా ధిక్కారాన్ని తీసుకురావడానికి ప్రయత్నించడం లేదా ప్రేరేపించడం లేదా ప్రయత్నించడం భారతదేశంలో చట్టం ద్వారా స్థాపించబడిన ప్రభుత్వం పట్ల అసంతప్తిని ప్రేరేపించడానికి, జీవితకాలం పాటు జైలు శిక్ష విధించబడుతుంది, దీనికి జరిమానా కూడా జోడించబడవచ్చు లేదా మూడు సంవత్సరాల వరకు పొడిగించబడే జైలు శిక్షతో పాటు జరిమానా విధించవచ్చు , లేదా జరిమానాతో సరిపెట్టవచ్చు.”
దానికి ఇప్పుడు, ”అసంతప్తి” నమ్మకద్రోహం, శత్రుత్వం వంటి పదాలను కొత్త బిల్లులో జోడించారు. కొత్త చట్టంలోని సెక్షన్‌ 150 ప్రకారం వివరణ ”అసంపూర్ణంగా ఉంది” అని సుప్రీం కోర్టులో న్యాయవాది, ఇండియన్‌ సివిల్‌ లిబర్టీస్‌ యూనియన్‌ వ్యవస్థాపకుడు అనాస్‌ తన్వీర్‌ ది వైర్‌తో మాట్లాడుతూ అన్నారు.
”ఇది రాజద్రోహాన్ని తొలగించినప్పటికీ, ఇది చాలా క్రూరమైన నిబంధన అని, కొత్త కోడ్‌ అసంపూర్తి వివరణలు అస్పష్టమైన పదాలు ఉన్నాయి. ఏదైనా చర్యకు వ్యతిరేకంగా నిరసనను నేరంగా పరిగణించే ప్రమాదముంది ”అని ఆయన అన్నారు. .
కొత్త నేరాలు, కఠినమైన శిక్షలు
ఇటీవలి సంవత్సరాలలో మూక దాడులకు సంబంధించి చట్టం లేకపోవడం వల్ల కొత్త చట్టంలో దీనిని ప్రస్తావించినట్టు అమిత్‌ షా చెప్పారు.
”గత ఏడేళ్లలో మూకదాడుల గురించి చాలా చెప్పబడింది. ఇప్పుడు ఈ నేరానికి ఏడేళ్ల జైలు శిక్ష లేదా జీవిత ఖైదు లేదా మరణశిక్ష ఉంటుంది ”అని ఆయన చెప్పాడు. గ్యాంగ్‌ రేప్‌ కేసుల్లో శిక్షను పెంచామని, ఇప్పుడు 20 ఏళ్ల జైలు శిక్షతో పాటు యావజ్జీవ కారాగార శిక్ష కూడా పడే అవకాశం ఉందని హౌ మంత్రి తెలిపారు.
”18 సంవత్సరాల కంటే తక్కువ వయస్సు ఉన్న బాలికలకు సంబంధించిన కేసులలో, ఉరిశిక్ష విధించబడుతుంది,” అని ఆయన చెప్పారు.
”ఒక శిక్షను మరణశిక్ష నుండి యావజ్జీవ కారాగారానికి, యావజ్జీవ కారాగార శిక్ష ఏడేళ్లకు, ఏడేళ్ల నుండి మూడు సంవత్సరాలకు తగ్గించవచ్చు. రాజకీయ సంబంధాలు ఉన్నవారిని వదిలిపెట్టేది లేదని ఆయన అన్నారు.అదనంగా, మోసం లేదా తప్పుడు ఆధారాలతో ఒక మహిళను వివాహం చేసుకోవడం లేదా లైంగిక సంబంధాలు కలిగి ఉండటం, అలాగే ఇంతకు ముందు నిర్వచించని స్నాచింగ్‌ కోసం ప్రత్యేక నేరాల వర్గం తీసుకురాబడిందని అన్నారు.
లైంగిక వేధింపుల నుండి బయటపడిన వారి వీడియో స్టేట్‌మెంట్‌లను రికార్డ్‌ చేయడం కూడా కొత్త చట్టాల వల్ల పోలీసులకు తప్పనిసరి అవుతుంది.
విచారణ, ఛార్జిషీటింగ్‌ ప్రక్రియను క్రమబద్ధీకరించడానికి, 90 రోజుల గడువు విధించబడుతుందని, అందులో ఛార్జిషీట్‌ దాఖలు చేయాలని షా చెప్పారు. ఈ గడువును కోర్టులు మరో 90 రోజులు పొడిగించవచ్చు కానీ 180 రోజుల తర్వాత కేసు విచారణకు వెళ్లాలి.
”వాదనలు ముగిసిన తర్వాత, కోర్టులు 30 రోజుల్లో తీర్పులు ఇవ్వాలి. తీర్పులను కూడా ఏడు రోజుల్లో అప్‌లోడ్‌ చేయాల్సి ఉంటుంది కాబట్టి అవసరమైతే అప్పీల్‌ను దాఖలు చేయవచ్చు” అని ఆయన చెప్పారు.
వ్యవస్థీకత నేరం కూడా శిక్షార్హమైన నేరంగా పరిగణించబడింది. కొన్ని నేరాలకు మొదటిసారిగా సమాజ సేవను ప్రవేశపెట్టారు.
పోలీసులకు జవాబుదారీతనం తీసుకురావ డానికి, ఒక వ్యక్తిని అరెస్టు చేసినట్లయితే ఫోర్స్‌ డాక్యుమెంటరీ, డిజిటల్‌ సాక్ష్యాలను అందించాల్సి ఉంటుందని షా చెప్పారు. ”ఒక వ్యక్తిని అరెస్టు చేసిన తర్వాత పోలీసులు 4 రోజుల వరకు ఏమీ మాట్లాడకపోవడం మనం తరచుగా చూస్తాము. ఇప్పుడు వారు అదుపులోకి తీసుకున్నట్టు నిందితుల బంధువులకు భౌతిక మరియు డిజిటల్‌ నోటిఫికేషన్‌ ఇవ్వవలసి ఉంటుంది. దీంతోపాటు నేర న్యాయ వ్యవస్థను డిజిటలైజ్‌ చేసేందుకు మార్పులు తీసుకొచ్చారు. 7 సంవత్సరాలు మరియు అంతకంటే ఎక్కువ శిక్ష విధించే నేరాలకు ఫోరెన్సిక్‌ సాక్ష్యం తప్పనిసరి. ఏడేళ్లకు పైగా ఉన్న కేసును ఉపసంహరించుకోవాలంటే బాధితురాలి సమ్మతి తీసుకోవాలి.
కొత్త బిల్లుల ముఖ్య లక్షణాలు
మూడు కొత్త బిల్లులు భారతీయ సమాజానికి సంబంధించి ముఖ్యమైన మార్పులను తీసుకువస్తాయని, వలస పాలనకు సంబంధించిన సూచనలను విరమించుకుంటాయని షా అన్నారు.
కొత్త చట్టాలు నేర న్యాయ వ్యవస్థను సమూలంగా మారుస్తాయని షా చెప్పగా, ఇది కార్యాచరణ ఇబ్బందులను తెచ్చిపెడుతుందని లాయర్లు అన్నారు.
వర్షాకాల సమావేశాల చివరి రోజున బిల్లులు ప్రవేశపెట్టడంతోపాటు వాటిని ప్రవేశపెట్టడానికి ముందు క్షణాలను జాబితా చేయడం ఆందోళన కలిగిస్తోంది.
